1974 鬼马双星
寶麗金 POLYDOR 837 823-2


01雙星情歌   2:58
曲：許冠傑    词：許冠傑
曳搖共對輕舟飄，互傳誓約慶春曉，
兩心相邀影相照，願化海鷗輕唱悅情調。

艷陽下與妹相親，望揩白首永不分，
美景醉人心相允，綠柳花間相對訂緣份。

心兩牽，萬里阻隔相思愛莫變，
離別悽酸今朝似未見，明日對花憶卿面。

淚殘夢了燭影深，月明獨照冷鴛枕，
醉擁孤衾悲不禁，夜半飲泣空帳獨懷憾。

02鬼馬雙星  2:25
曲：許冠傑    词：許冠傑
為兩餐乜都肯制前世，撞正輸晒心翳滯無謂，
求望發達一味靠搵丁，鬼馬雙星綽頭勁。
亂搏懵撈偏門確唔曳，做慣監躉經已係成例，
求望發達一味靠搵丁，鬼馬雙星眼晾晾。

人生如賭博，贏輸都冇時定，
贏咗得餐笑，輸光唔駛興。

做老千梗好搵過皇帝，扮蟹賴嘢真正係滑稽，
求望發達一味靠搵丁，鬼馬雙星怕現形。

做老千梗好搵過皇帝，扮蟹賴嘢真正係滑稽，
求望發達一味靠搵丁，鬼馬雙星眼晾晾。
(唔！真係有型)

03甜蜜伴侶  2:43
曲：許冠英    词：許冠英
昨晚與妳相相會面，盟約合誓約在月殿，
我裡哪怕海沽石爛，我倆愛心不變。
同林鳥相對共鳴，情投愉快樂洋洋，
甜蜜伴侶相對歌唱，情話輕送。

我與妳百花間蕩漾，春鸚齊共舞在樹上，
細訴我倆心中願望，倍覺快外心歡暢。

妹啊！我愛妳！海沽石爛，我的愛心永不變。

04無情夜冷風  2:38
曲：許冠英    词：許冠英
　無情夜冷風，吹散熱情夢，
　含淚對孤燈，痴心錯恨種。

　情緣如霧散，戀愛多變幻，
　獨念往日情，悽酸透心間。

　懷人空悲嘆，悵惘心冷淡，
　月夜暗自彈，傷心滿淚眼。

　無情夜冷風，憶往日情重，
　離別燕分飛，相思已斷送。

05一水隔天涯、愛你三百六十年[國語]  3:45
嘉禾製作
[一水隔天涯]
妹愛哥情重，呢句話係發翁風，
冇銀點情重，唔通成世褲穿窿，
梗係一水隔天涯，皆因水冇就涯窮。

真水得場夢，咪話妹佢冇陰功，
麵包都幾毫一件，唔通成世 YAK 西風，
梗係一水隔天涯，皆因水漏就唔同。

千萬家財多有味，無肉無柴真堪悲，
咪話妹佢唔捱義氣，肚不飽時冇心機。

預計將來用，所以妹佢要數籠，
莫怨比金錢弄，唯有快手Ｄ搵籠，
因為一水隔天涯，搵倒水你就唔同，
搵倒水你就唔同。
[愛你三百六十五年]
不要愛你三百六十五天，三百六十五天祗有一年，
愛怎麼能愛得這麼短，祗愛一兩年。

不要愛你三百六十五年，壽星公也不過活一百年，
如果愛一定要愛幾百年，我怕早已升了天。

看著你看著太多會厭，愛著你愛著太淺會變，
要不厭不變，我左計右算，祗好愛六十年。

不要愛三百六十五天，也不愛三百六十五年，
不愛一年也不愛幾百年，我祗愛六十年。

06春夢良宵  2:27
曲：Lobo    词：許冠傑
見您感到真銷魂，我已變到瘟瘟燉，
瀝瀝奴聲真嬌艷，但願共好緣盟。

快快去到妹跟前，我眼跳軟似觸親電，
雙雙傾心偷偷望，互遇恨晚始相見。

Baby！今宵相對共享，翩翩起舞共唱，春風吹進羅帳，
Baby！今宵相對共享，翩翩起舞共唱，與相親真歡暢。

痛痛快快真一流，你給愛意我心消受，
千金一刻享春夢，共度十世都不夠。

07制水歌 2:50
曲：Simon    词：許冠傑
又制水真正受氣，（又制水真冇樂趣）
　又制水的確係無謂，
　又制水今晚點沖涼，
　成晚要乾煎真撞鬼。

　OH! 真苦透呀老友，聽朝早啲起身，
　搵定水桶半打，裝多啲水，
　乜都假，水緊真真冇修，
　快搵多啲水啦老友，
　莫水真陰功，請保重。

　又制水，夜街你都無謂去，
　又制水，拍拖都冇話厘味，
　又制水，妹佢怕我週身一陣除，
　成晚要乾煎真正悲。

08等玉人  2:35
曲：Elliot-Durand    词：許冠傑
　正夜闌，碎夢殘，盼玉人，未見返，
　記舊情，眼淚盈，怨負盟，獨對影。

　愛已斷，暗自憐，往日情，恨變遷，
　冷夜靜，怨薄命，隔異地，念愛卿。

　對月誓，愛難忘，痛斷腸，淚已乾，
　往日情，意萬重，嘆別離，夢已空。

　愛海鴛鴦一朝變泡影，
　對景孤單悲泣暗怨恨你負情。

09鐵塔凌雲 3:05
曲：許冠傑    词：許冠文
　鐵塔凌雲，望不見歡欣人面，
　富士聳峙，聽不見遊人歡笑，
　自由神像，在遠方迷霧，
　山長水遠未入其懷抱，
　檀島灘岸點點燐光，
　豈能及漁燈在彼邦？

　俯首低問何時何方何模樣，
　回音輕傳此時此處此模樣，
　何須多見復多求，
　且唱一曲歸途上，
　此時此處此模樣，此模樣。

10夜雨聲 2:16
曲：許冠英    词：許冠英
夜雨聲，嘆憶愛恨難明，
奈何卿已一去不見影，
情緣一朝化空心掛念，
離愁夜雨點聲不願聽。
夜雨聲，倍感往事無情，
夜傳淚暗低唱悲怨聲，
難忘雙飛燕依稀往事，
愁腸斷我湧襟珠馨。

誰憐憫苦相思歸泡影，
千般愁向秋天悲怨命，
愁城困獨孤單悲冷清，
鴛鴦難望再見淚凝凝，
鴛鴦難望再見淚凝凝。

1975 天才与白痴
寶麗金 POLYDOR 839 269-2



01天才與白痴  3:03
曲:許冠傑    词:許冠傑/薛志雄　
  呢個世界上，有精仔、有懵仔、有叻仔、散仔、賭仔、重有戇居仔，
　有衰仔、有好仔、反骨仔、癲仔、蠢仔重弊過敗家仔，
　細蚊仔、臭飛仔、招卿仔、靚仔、打仔亂咁出刀仔，問你點敢亂生仔。

　邊個係天才（天才），邊個係白痴（白痴），
　扮懵定蠢才，冇咁易會知（阿茂至知），
　天才與白痴，你黐定我黐，天才與白痴，冇咁易會知，天才與白……痴。

　呢個世界上，有冤鬼、有嘩鬼、有奸鬼、賭鬼、盞鬼、重有咸濕鬼，
　有衰鬼、有煙鬼、攝青鬼、生鬼、撞鬼撞著個冒失鬼，
　醉酒鬼、吊靴鬼、醜死鬼、假鬼、真鬼、亂咁鬼打鬼，問你究竟攪乜鬼。

　乜鬼係天才，乜鬼係白痴，扮懵定蠢才，冇咁易會知，
　天才與白痴，你黐定我黐，天才與白痴，冇咁易會知，天才與白……痴。

　呢個世界上，有堅嘢、有流嘢、有精嘢、喎嘢、喳嘢、重有大鑊嘢，
　有衰嘢、有好嘢、有筍嘢、貴嘢、賤嘢、最划忌就賴嘢，
　醒胃嘢、林嬸嘢、正斗嘢、靚嘢、杰嘢、最爽就撈粗嘢，確係認真唔少嘢。

　乜嘢係天才，乜嘢係白痴，扮懵定蠢才，冇咁易會知，
　天才與白痴，你黐定我黐，天才與白痴，冇咁易會知，
　天才與白痴，天才與白痴，天才與白痴。

02天才白痴往日情  2:58
曲:許冠傑    词:許冠傑/薛志雄
　痛別離，惜分飛，緣份一朝忍心拋棄，
　往日情未泯，泣咽悽聲怨蒼天太狠。

　鳥倦還，影孤單，無奈美夢頃刻吹散，
　往日情未泯，泣咽悽聲怨蒼天太狠。

　暴雨中，相親相與共，夢已空，太匆匆，
　淚暗湧，偷偷心底送，遍地紅葉怨秋風。

　再會難，呼不返，寒夜對月幾番嗟歎，
　往日情未泯，泣咽悽聲怨蒼天太狠。

03天才白痴錢錢錢  3:27
曲:許冠傑    词:許冠傑/薛志雄
成日要錢多，(錢錢錢錢)
乾水麻都渦，借錢最折墮，爬低嗌契哥。
貧賤拗頸多，(No Money, No Talk)
生仔都難過，阿女嗌肚餓，屋租都要拖。

有乜野會令你心花怒放，
得多卒之梗癲癲喪喪，
有佢就算打跛雙腳冇都相干，冇得擋，冇得擋。
有錢確係會少罪案，
駛乜衰到通街偷、搶、騙、當，
冇咁佢就算包公都由你嗌冤枉，懶得講，懶得講。


04天才白痴夢  2:28
曲:許冠傑    词:許冠傑/薛志雄
　人皆尋夢，夢裡不分西東，
　片刻春風得意，未知景物矇矓。

　人生如夢，夢裡輾轉吉凶，
　尋樂不堪苦困，未識苦與樂同。

　天造之才，皆有其用，
　振翅高飛，無須在夢中。

　南柯長夢，夢去不知所蹤，
　醉翁他朝醒覺，是否跨鳳乘龍。

　何必尋夢，夢裡甘苦皆空，
　勸君珍惜此際，自當欣慰無窮。

　何必尋夢。

05情人離別去  2:50
曲: P.Vance/E.Snyder    词:許冠英
　情人離別去，濃情如夢碎，
  從前曾共你相依相對，愛已化煙再不相聚，
  空寄柔情似水。

　良緣難共訂，瑤琴誰伴聽，
　離愁腸斷百感交併，怕對故苑倍感幽靜，
　孤雁獨離情。

　以往與你恩愛伴隨，鴛鴦侶，長廝對，
　愛已遠去悲痛灑淚，唸情緣不勝唏噓。

　寒簷長夜照，床前殘月照，
　何時能望再舉杯歡笑，我倆愛火已不燒燃，
　空嘆舊情飄渺。

06青春夢裡人  2:45
曲:Tobias    词:許冠傑
　共妳今朝見面，真個令我飄然，
　但覺心慌意亂，今晚望再相見。

　與妳夢中痴纏，燕侶手相牽，
　暢快共遊夢裡仙園，陶醉愛海溫馨美屬眷。

　夢裡花香吐艷，傾訴萬語千言，
　共向星星訴願，相愛萬勢不變。
　(我地今晚見)

07獨上西樓  2:44
曲:Gibbs    词:許冠傑
　無言獨上西樓，殘月正當頭，
　何時復與卿遊，腸斷百般愁。

   才與妳剛分手，轉眼又到深秋，
　痛念舊情淚滿眼，空悲嘆，緣太暫。

　無言獨上西樓（心苦透），殘月正當頭，
　何時復與卿遊（空追疚），腸斷百般愁。

　勞燕已分西東，恩愛尚記心中，
　往日熱情夢已碎，鴛鴦侶，難再聚 。

08齊齊唱首歌  3:15
曲:許冠傑    词:許冠傑
朝九晚五就要打工，又要聽老闆發風，
放工去迫車都迫餐死，咁生活你話幾谷氣，
咁生活你話幾谷氣。

齊齊唱首歌，齊齊唱首歌，一曲去心火，
人人情盡放，人人情盡放，拋開煩惱玩番趟。
一齊拍下手掌(拍下手掌)，要拍得更響(拍得更響)，
一齊拍下手掌，開開心心高聲唱。

三嬸舅母又嘆幾圈？仲要拖細佬去公園，
阿媽佢餐餐都個幾味，咁生活你話幾谷氣，
咁生活你話幾谷氣。

09莫等待  2:46
曲:許冠傑    词:許冠傑
莫等待，光陰不會復來，
勿讓青春偷偷消逝去，莫等待。

莫等待，春風吹過暴雨來，
浪蝶應悔當初不自愛，莫等待。

別戀金縷衣，惜取少年時，
發奮上進不容遲，同聚今朝共立志。

10歡樂桃源  4:00
曲:許冠英    词:許冠英
迷惘在愛海裡，輕快蕩樣，
情侶願化彩蝶，共舞飛翔，
原野景色一片，忘盡苦惱，
同聚歡樂桃源，春花吐香。

陶醉在柳陰裡，相對定情，
立志共對苦難，熱愛真誠，
湖裡鴛鴦嬉戲，甜蜜相對，
同聚歡樂桃源，心堅情永。
春風滿面，互相纏綿，
誓與卿今生，濃情共眷戀。

遙看玉燕飛舞，歌唱共鳴，
共您互醉好夢，在百花亭，
猶似天仙一對，情義深厚，
同聚歡樂桃源，把姻緣訂

11故苑懷舊  2:25
曲:許冠英    词:許冠英
銀河與妹手兩牽，共訂愛心兩互勉，
歌唱共鳴誓心願，患難同心不變遷。
浮沉愛海心更堅，共伴舞影似玉燕，
低訴熱情話歡聚，如今鴛鴦不復見。

何時愛卿歸故苑，夜靜對影暗自怨，
心碎月明下等待，斷腸人孤單掛戀。

徘徊柳底心更酸，熱淚暗湧愛盡斷，
祗盼若能夢中會，難捨分飛心未變。

1976 半斤八兩   
寶麗金 POLYDOR 837 822-2



01半斤八兩  2:18
曲：許冠傑    词：許冠傑/黎彼得  
　我哋呢班打工仔，通街走糴直頭係壞腸胃，
　搵個些少到月底點夠洗（奀過鬼），
　確係認真濕滯。 　最弊波士郁哋發威（癲過雞），
　一味係處係唔係亂嗌吠，
　嗡親加薪塊面拿起惡睇（扭下計），
　你就認真開胃。

　（半斤八兩）做到隻積咁嘅樣，
　（半斤八兩）濕水炮仗點會响，
　（半斤八兩）夠薑呀鎗走去搶。

出咗半斤力，想話攞番足八兩，
　家陣惡搵食，邊有半斤八兩咁理想（吹漲）。

　我哋呢班打工仔，一生一世為錢幣做奴隸，
　嗰種辛苦折墮講出嚇鬼（死俾你睇），
　咪話冇乜所謂。

　（半斤八兩）就算有福都冇你享，
　（半斤八兩）重慘過滾水淥豬腸，
　（半斤八兩）雞碎咁多都要啄。

02浪子心聲  3:03  
曲：許冠傑    词：許冠傑/黎彼得  
　難分真與假，人面多險詐，
　幾許有共享榮華，簷畔水滴不分差。

　無知井裡蛙，徒望添聲價，
　空得意目光如麻，誰料金屋變敗瓦。  
  命裡有時終須有，命裡無時莫強求。

　雷聲風雨打，何用多驚怕，
　心公正白璧無瑕，行善積福最樂也。

　人比海裡沙，毋用多牽掛，
　君可見漫天落霞，名利息間似霧化。

03打雀英雄傳  3:05  
曲：劉杰    词：許冠傑/黎彼得  
　六嬸，三太公，大眾開啦面似蓮蓉，
　又放工，打餐懵，圍埋砌幾圈呀論英雄，
　誰是大英雄。

　落手三隻東，度到岩都三叫二五六筒，
　截正糊，真陰功，騰騰震嬲到面呀面都紅。

　上下家，搏晒懵，依牙鬆槓斬眉斬眼打籠通，
　係咁鬆，正衰公，難為氹仔要浸呀浸蛟龍。

　亂咁質，真勢兇，學到足關帝座鎮華容，
　恨滿胸，裹蒸粽，嗡嗡貢好似大呀大燈籠。

　大相公，小相公，遇老千啲章法亂晒大籠，
　食詐餬，包出沖，氹氹轉好似大呀大灰熊。

　執左位，起個風，移燈換？洗手食煙熨櫃桶，
　轉下運，確唔同，連隨喫幾舖我露呀露歡容。

　混一色，碰七筒，一簡白板發財做眼槓紅中，
　六八筒，叫卡窿，原來咁橋佢係呀係七筒。

　掘尾籠，起勢攻，大四喜晒南北西東，
　做牌，講天聰，頻頻滿餬我做呀做英雄，時勢做英雄。
（大英雄）

04梨渦淺笑  3:02  
曲：許冠傑    词：許冠傑/黎彼得 　 　
梨渦淺笑，可知否奧妙，寂寞心鎖暗動搖，
魂消魄蕩身飄渺，被困擾，怎得共渡藍橋。

　梨渦輕照，映出花月調，但望相看慰寂寥，
　時刻與共享分秒，願折腰，今生效同林鳥。

　梨渦淺笑，似把君邀，
　綺夢輕泛浪潮，春宵猶未覺曉。

　梨渦雖俏，悲歡竟逆料，樂極痴戀變恨苗，
　情絲寸斷一朝了，夢已消，花依舊玉人杳。

05大家跟住唱  3:25  
曲：許冠傑    词：許冠傑/黎彼得  
大家騎單車郊野上，良朋共享身心舒暢，
互坦愛率相向，何必多嘢想 。  
大眾野火會山領上，油油綠草天生天養，
漫舞輕歌，可以大家跟住唱。

時時要玩番吓，駛心都傷，日日要喜洋洋，無謂咁緊張，
時時要輕鬆吓，將清福享，日日笑口如常，就更加會命長，
時時要輕松吓，將清福享，日日笑口如常，就更加會命長。  
就算有心想搵對象，何妨互相走入情場，
共你一雙一對，攜手映吓相。

瀑布水花高飛百丈，潺潺自享音韻悠揚，
綠野青山響遍，大家跟住唱 。

06有酒今朝醉  3:33  
曲：美國民謠    词：許冠傑/黎彼得  
　童年就八歲，多歡趣，見到狗仔起勢追，
　爺爺話我最興嗲幾句，買包花生卜卜脆，
　跳吓飛機，街邊玩吓水，
　爺爺重教我講呢一句，有酒應該今朝醉。

　行年十八歲，懶風趣，有名高級徒置區，
　求其係派對仆倒去，見到丫烏都請佢，
　咪個謙虛，幾大充有水，
　連隨問吓佢幾多歲，有酒應該今朝醉。

　行年廿八歲，金翡翠，鬢影衣香拖靚女，
　同埋趙阿翠，雙雙對，結果卒之娶咗佢，
　以為歲晚煎堆，點知著聲跟咗老許，
　無謂問過去，盞心碎，有酒應該今朝醉。

　行年六十八歲，腰骨都脆，阿既風濕中氣衰，
　人地窒兩句，濕濕碎，我都骨聲吞咗佢，
　嘆吓雙蒸，打牌抽吓水，
　回頭望過去，始終嗰句，有酒應該今朝醉。

07知音夢裡尋  2:56  
曲：許冠傑    词：許冠傑/黎彼得  
　星星會明白我心，早知戀愛盡憐閔，
　誰料此際被情困，想伊人空抱憾。

　春色醉人夜已深，結他輕奏別離韻，
　盟誓毀碎淚難禁，嘆息知音夢裡尋。

　亂我心思傷透神，舊愛竟貪新，
　腸斷那堪風陣陣，悽怨倩誰問。

　街燈已殘月暗昏，惋惜空記熱情吻，
　徒自追索綠雲鬢，嘆息知音夢裡尋。

08鬼馬大家樂 5:07  
[香港交通歌]    溫拿                   溫拿-玩下啦
[醫生頌]        黃霑                   只有痴心一個
[點解要擺酒]    黃霑                   陳秋霞-點解手牽手
[拍拖安全歌]    黃霑 許冠傑/黎彼得      溫拿-Love
[香港交通歌]
今朝塞到依家，把幾火想爆炸，楷油抽筋送波牙，
恰眼就梗聽瓜，香港交通最丟架，一講起都怕怕。
今朝到依家，通街捐窿窿罅罅，終於吼倒個 Meter，
一試又係拉，香港車位夠羞家，想搵位一早要霸。
無謂抓住駛鬼去，交通差多多羞話，有理冇理抄，
發告票，理得佢，最多公價。
[醫生頌]
世界上有幾百樣人，祗發醫生一個，
無論我點肚餓，無論我點折墮，終歸要醫好痛楚，  
世界上有幾百千人，祗信醫生一個，
成日替我檢驗，成日替我搞定，一朝到晚維護我，
你對佢多多講野，根本當唱歌，
佢照顧你今生今世，你見佢多收錢更多。  
世界上有幾百樣人，祗有醫生一個，
能為我出力，能令我瓜直，始終永遠陪伴我。
[點解要擺酒]
點解要擺酒？亂錢冇理由，
你人人一杯酒，你累到夫妻一世憂。
點解要擺酒？恨我濕個頭，
求人度水手，月尾薪金起勢扣。
杯酒共渡患難。通走做阿茂。
實係日後我與做到獅子口。
點解要擺酒？望見張單報晒仇，
難為自己一雙手，預算開支點會夠，
難為自己一雙手， 預算開支點會夠。
[拍安全歌]
天黑出街有排慌，友專興四圍蕩，
一味疏肝，見賊佬更梗生，打鈴記住兩頭望。
雖則公園有人看，看得幾看又暈浪，
血影刀光沒命仔，友切勿四圍蕩。
魯莽學人亂撞，遇著爛鬼盞剝清光，
兩跟手幾，兇夾狠，隨時條命喪。
乖女喜歡曬月光，家長擔心到匪兇悍，
感嘆治安真不當，警方掃蕩靠謀望。

09夜半輕私語  2:30  
曲：許冠傑    词：許冠傑/黎彼得 　 　
  千般相思似毛毛雨，抑鬱苦惱一於作首詩，
　寫遍艷麗言詞合妳意，藉以表心痴。

　執起張紙卻恨無語，心聲傾訴實在唔容易，
　依稀往事言猶在我耳，望妳解深意。

　胡言亂語更多錯字，總之倆心知，
　全無異志吐出心事，祗盼望知曉意思。

　深宵追憶會亂神智，怎許相對有若藤纏樹，
　衷心暗示祈求諒錯處，夜半輕私語。

10斷腸夢  3:07  
曲：許冠傑    词：許冠傑/黎彼得  
　心驚恐，燭影動，午夜殘月碎春夢，
　枕邊空，更深露重，問誰共。

　秋波湧，憶花容，翠袖搖曳暗低弄，
　酒千盅，空添苦痛，斷腸夢。

　故夢去匆匆，塞雁隔西東，
　情恨種朝思晚盼，一封音訊通。

　悲丹楓，惜飄蓬，遠望前路各珍重，
　哀苦衷，鐘聲飄送，斷腸夢。

11追求三步曲  2:00  
曲：許冠傑    词：許冠傑/黎彼得  
面撞面個妹釘帖確係人省鏡，望落順眼風姿綽葯夠標青，
冒昧問句小姐你係叫乜名，哈一聲 All Right 搞掂實靈擎。  
密密預葯海邊搏命齋撐艇，漫步綠柳花間結伴行山頂，
會面食三更半夜去餐廳，西裝畢挺衫領乾執到正。

佢尊翁綽號包頂頸(三寸釘)，屋企住茶果嶺(瓦封嶺)，
見我口輕輕，當我花靚倞，實在阿啦面幪兼心精。

但願做對鴛鴦結合查篤撐，二萬賀禮鮑參翅席嫌錢腥，
另外又要親戚派十擔西餅，一聽驚驚今次整定煲要掟，
一聽驚驚今次整定保要掟。

12流水恨  2:45  
曲：許冠英    词：許冠傑/黎彼得  
看流水，倍陶醉，解駕憂慮，
聽潮水，憶伴侶，悲愛逝去。  
意闌珊，愛難挽，感慨千萬，
嘆怨慳，痛情冷，相見恨。

那許永相伴隨，年華容易老去，
慶得片刻歡聚，何日共相對。  
嘆流水，惹愁緒，彷似洒淚，
怨潮水，波浪退，心似亂絮。

1978 財神到   
寶麗金 POLYDOR 837 824-2


01財神到  3:16  
曲：許冠傑    词：許冠傑/黎彼得  
財神到！財神到！好心得好報！
財神話！財神話！搵錢依正路！
財神到！財神到！好走快兩步，
得到佢睇起你，你有前途，  
闔府慶新喜氣盈盈，齊賀你多福蔭壯健強勁，
又祝你今年慶獲榮陞，朝晚多多歡笑錦繡前程。

願夫婦恩愛體貼入微，成日有吉星照百事無忌，
共親友相見講話投機，充滿新春喜氣歡暢揚眉。

賀所有鴛侶花結並頭（結並頭），
還望各位工友百業成就（有成就），
大家冇爭鬥快樂無憂（樂無憂），
聽隻歌輕鬆吓，拋卻恨愁。　
大眾慶新春，望財神到！

02何處覓蓬萊  2:36  
曲：許冠傑    词：許冠傑/黎彼得  
心響往蓬萊，想身處蓬萊，
仰望蓬萊所在，似被浮雲掩蓋。

　想找到蓬萊，偏不見蓬萊，
　遍歷人間世外，費盡勞力錢財。

　遙看天邊飛鳥，原野夕陽照耀，
　頓覺寧靜舒泰，恨怨漸似開解。

　方知卻原來，不必盼蓬萊，
　已是埋藏心內，蓬萊就是愛。

03錢會繼續嚟  2:06  
曲：Wayne-Reichner    词：許冠傑/黎彼得  
米貴！冇乜問題，諗計！咪懵懵閉，
喥掂！就要發威，啲錢就會繼續嚟。  
冇米！隻雞就啼，撞鬼！咪巴巴閉，  
焗住！就殺隻雞，啲錢係會繼續嚟。  
過節送禮立定例，水鬼陛隍靠老細，
你咪猛呻命運滯，要打基礎 MUN 紅毛。  
冇計！咪鬼食泥，駛錢！當交水費，  
在下！奉勸各位，啲錢係會繼續嚟，

老友咪個論地位，駛乜孤寒詐詐諦，  
駛得開心應該駛，死慳死抵，想人提攜呀！  
咪制！你想入圍，冤鬼！咪懶經濟，  
萬事！係放遠睇，啲錢係會繼續嚟。

04為你  3:07  
曲：許冠傑    词：詹惠風  
　為妳情心一早已獻，情共愛添心間溫暖，
　願妳情相牽，始終相守相勉，
　誓約山盟今生永存。

　為妳從今不講再見，長伴裙邊永共纏綿，
　願妳同相依，每天朝晚得見，
　莫再分離相思寸寸。

　渡過困苦，情義倍添，要共尋理想心更堅，
　就算理想，如夢似煙，但期望我倆愛今莫變遷。

　為妳從此相處永遠，同命鳥恩愛年年，
　願妳長相斷，始終痴心一片，
　萬縷真情今生永莫變。

05麻雀耍樂  2:47  
曲：Russell    词：許冠傑/黎彼得  
留二索扣六索，一摸三七索，再卒一九五八認真泡，  
求六索上二索，認真化鬼學，諗起卡窿岩岩一講就嚟，  
轉下手摸一索等黐三索，甩岩七索叫六九索，  
求六索有六索敲崩檯角，呢鋪真係代表咯。  
最鬼憎係屋企咁寂寞，去猛搵腳兩頭騰 成日頻撲 ，
砌幾圈我身心最快樂，無本我照落埸 打親梗係主角。  
甩到手軟起哂泡，兼側側膊，將地骰仔猛咁卜，
頭又重氣又索，口乾頸渴，幾大死做死搏。  
叫碗粥，打通宵再直落，唷地野定定神疲倦唔覺，  
咬口煙，拿鋪牌猛咁度，個袋帶定藥油，一於搵命仔搏 。

甩到手軟起哂泡，兼側側膊，整包花生猛咁剝，
人人食到滿地殼，好似七國，打得真係爽咯 。  

06柔情淚  2:45  
曲：Wise-Weisman-Lloyd    词：許冠傑/黎彼得 　
  舊愛消失風雨間，萬里阻隔再會難，
　款曲空寄柔情淚滿眼，低聲嘆隻影單。

　自怨當初空作繭，夜半枕冷碎夢殘，
　惋惜春去柔情淚滿眼，恐相見已恨晚。

　人生悲歡 世間滄桑，感慨有千萬，
　如今追憶 昔日歡聚，緣何別一旦。

　夢散煙消恩愛減，舊燕不會再復還，
　每當佳節柔情淚滿眼，痴心永遠莫挽。

07我愛你   2:34  
曲：Perretti-Creatore-Weiss    词：許冠傑/黎彼得 (陳秋霞合唱)
柔情無恨我愛妳，講真心，我與妳相依相親，
　論富與貧不應分，真心真意就合襯。

　手執鮮花親送贈，永遠與妳兩心印
　千金一刻多接近，濃情厚意喜不禁。

　喁喁情話我愛妳，我的妹妹，
　咦！真係骨都痺，唉哂心機，
　咪咁佻皮，我叫鬈毛飛，
　應該走去做大戲。

　將心比己休顧忌，咪再鬥氣要講理，
　開開心心祝我地，做對鴛鴦水中戲

　情人其實我愛妳，不相欺，我與妳不分尊卑，
　共等佳期，雙于飛，不分朝晚侍候妳。

　人如燕飛，同諧連理， 一生一世伴著妳。
  人如燕飛，同遊同戲， 今生今世伴著妳。

08佛跳牆  2:50  
曲：Blackwell    词：許冠傑/黎彼得 　
  咁啱又茶樓齊共上，良朋談動向，
　花雕「Dep」幾兩，閒來尋樂暢，
　叫煲佛跳牆（佛跳牆），炆得咁鬼香。

　計起就完全唔係貴，翅肚能潤肺，
　鮑參炆光雞，髮菜同玉桂，
　配料落到齊（落到齊），認真冇得揮。

　肥佬黎，倒眼輝，
　潺仔威，軟腳龜，嚟擦啦喂。

　夾起吖連隨搽辣醬，確係怡神顏又養，
　一于搵手搶，完全唔異相，
　有福大家享（大家享），駛乜咁緊張。

　成班友一味啄，
　含含聲一味啄，唔怕肚漲。

　佛跳牆，炆得咁鬼香，
　見到佛跳牆（佛跳牆），鬼都要裝香，
　超級佛跳牆（佛跳牆），炆得咁鬼香，
　見到佛跳牆（佛跳牆），鬼都要裝香，
　正宗佛跳牆（佛跳牆），炆得咁鬼香，
　見到佛跳牆（佛跳牆），鬼都要裝香。

09往事  2:30  
曲：Trpper-Bennett    词：許冠傑/黎彼得
往事，在我心裡湧現，
往事不勝憧憬，徒令五內撩亂。  往事，逝似天際閃電，
往事空添懷想，人事息間萬變。  愁對明月再圓，柔腸若結心境千百轉，
縱懷萬縷言，難令故夢重現。(無奈往事化煙)  往事，令我朝晚思念，
往事不堪回首，遺下悽酸恨怨。

10今宵  2:54  
曲：許冠傑    词：許冠傑/詹惠風  
青春一轉眼逝去像煙般消，
喜得你共同和唱，情歌愛調，
期望種下情苗，手牽手心暗跳，
不經不覺夜已曉。  一生中願怨恨愛，難數多少，
天空裡月圓月缺，誰可以料，
塵俗裡樂迢遙，輕飄飄似隻鳥，
拋開一切盡歡笑。

情意問有幾多，相思也未算少，
只盼望能令你知曉，
情意永掛牽，真心彼此相照，
我倆追尋夢裡暢享今宵。

青春一轉眼逝去像煙般消，
喜得你共同歷數，人生奧妙，
期望種下情苗，手牽手心暗跳，
今宵相對盡歡笑。

一生中願怨恨愛，難數多少，
天空裡月圓月缺，誰可以料，
誠望你樂悠悠，應珍惜分與秒，
今宵應該盡歡笑，今宵應該盡歡笑。

11咪當我老襯  2:18  
曲：J.Leiber-M.Stoller    词：許冠傑/黎彼得
過吓蘇輕(SHOW HAND)啤癮，我博殺認真 Kunk，你泵雞咩？
冇要緊，最怕你出老千，想搵我笨，咪當我老襯 。

佢有舖偷雞癮，嚇到我週身震，博我冚咩？我最 Mung 索性蘇晒冷，
底牌要問，咪當我老襯。
我自身最有賭品，夠晒斯文，撞正鬥氣冤家，一於忍忍忍 ...
四五揸起手震，博有啤好 Mun，點知跌隻三，又派隻二，
送尾起隻煙添，認真夠運，咪當我老襯。  
十個八個蘇輕，要靠手神，撞正有對手牌，幾大跟跟 ...
立晒身心興奮，笑到屋都震，佢發晒 Mung 面似灶君，
我殺到佢，清晒倉，七瘟八燉，咪當我老襯。

12愛  3:00  
曲：許冠傑 許冠傑/詹惠風  
共探討情海韻味，一世永伴莫分離，
樂與苦無須畏忌，只想與你似海鷗高飛。  不會意分歧，共努力把愛編，
終會見真理，望他朝不再相思兩地，
永相聚，那管世事迷離。

莫嘆息人生似夢，風雨過後現彩虹，
願倆身長期與共，不必怨忿也不必驚恐。

只要永相從，願彼此理想，一切也相同，
準拋開所有悲傷與恨痛，
誠望永遠，能共你愛心可永種。

1978  賣身契  
寶麗金 POLYDOR 513 974-2

   
01賣身契  2:42  
曲：許冠傑    词：許冠傑/黎彼得  
蘇蝦仔未出世，都去搵玉皇大帝，聽佢講番Ｄ世俗條例，  
嚦起張賣身契，豈勢咁擰頭擰髻 ，好坐低聽孤家講出一切。  
喂！我要你架勢，你梗一家富貴，
我發起啷黎，會將你墊屍底，認真巴閉，  
簽番張賣身契(賣身契)，攪掂筆入境費(仲要洗禮)，咁蘇蝦仔至准出世。  
蘇蝦仔大個左啦喂，識拍拖學人地曳，一次偷雞喊亦無謂，
番香閨論婚禮，俾八姑窒頭窒勢，好女婿 呢單認真襟計。  
喂！你咪當免費，走精面咪制(咪制)，我聽錢駛，你好挖倉底，重要三牲酒禮，
簽番張賣身契(仲要屋契)，攪掂筆外母費(杰過西米)，咁蘇蝦仔至准出世。  
香港地為生計，乜野都受人限制，睇報紙多多制度條例，
加差餉電費水費 Ｄ"食送"乜愈來愈貴，恩愛夫妻都頂心頂肺。  
喂！咪太過閉翳，訓醫院更貴(太貴)，養班馬騮仔，有苦暗啞抵，
仲要交足書簿費，一張張賣身契(賣身契)，枕住咁累你一世(做到甩肺)，  
唉！總之一句柯彌吉帝(柯彌柯彌吉帝)。  
一張張賣身契(賣身契)，枕住咁累你一世(做到甩肺)，  
唉！總之一句柯彌吉帝羅，前世。  

02舞伴  2:23  
曲：許冠傑    词：許冠傑/黎彼得  
紅男綠女，歡舞燈影裡，今宵喜相對，心心暗許，
情懷若醉 跟舞步伴隨，溫馨中不覺，憶起愛侶。

懷念那相思淚，依戀往日歡聚，翩翩儷影相隨，
充滿樂趣，前塵若絮，恩怨莫問誰，得新歡相對，應該再醉。

03男兒漢  2:42  
曲：許冠傑    词：許冠傑/黎彼得  
男兒漢，誓要衝破萬尺浪，在四海奮勇闖蕩，心有毅力人自壯。
男兒漢，立志英勇自領航，誓要爭扎到彼岸，此志盡在四方。  
應苦幹，拯救弱小殺豺狼，警惡懲奸意若狂，教碎瀝肝，
真好漢，必要罪魁劍下亡，警惡懲奸意若狂，教碎瀝肝。

男兒漢，自勉不要負重望，被困災變與風浪，不要墮入塵俗網 。
男兒漢，遇到波折莫志降，命裡總會有希望，黑暗漸露曙光，
愁懷盡放。


04世事如棋  3:01  
曲：許冠傑    词：許冠傑/黎彼得 　 　
倉卒歲月，世事如棋，每局都光怪陸離，
驟晴驟雨，人事天天變，有喜亦有悲。
恩怨愛恨，世事如棋，每局都充滿傳奇，
若顰若笑，難辨心中意，似比幕前做戲。

苦衷拋萬里，今天慶幸有知己。
捉番盤棋共行樂，衝破內心藩籬，  
張眼遠望，世事如棋，每局應觀察入微，
但求共你棋藝相比較，瞭解做人道理。


05應該要自愛  3:29
曲：許冠傑    词：許冠傑/黎彼得  
人埋沒了天才，生趣問何在？萬勿再等待，年齡難復再，
唔係到將來空添憤慨，須緊記，尼句話，應該要自愛。  
無謂再痴呆，祗顧現在，實在心痛，才華無限載，
誰願意將來，餐餐喫白菜，不長進，空悔恨，應該要自愛。

佢有天才，佢有天才，應該要自愛，人人立志休悲哀，怨恨拋腦外，
各有天才 趁有天才，必須要自愛，紅桃綠柳春花開，皆因灌溉。

人人了棺材，福蔭尚存在，受惠一代，才明瞭大慨，
傳落去將來，好比接力賽，講真下，尼句話，應該要自愛。


06人生的道路  2:30  
曲：許冠傑    词：許冠傑/黎彼得  
無謂嘆息唏噓，窮途上不只一個你，
這是人生的道路，休怨恨獨焦慮。  
無謂嘆息唏噓，時逢逆境不應洩氣，
這是人生的道路，想要避難以避。
其實困難終過去，心裡何妨有預備，
吉凶禍福天之數，不必嗟嘆暗流淚。
無謂嘆息唏噓，人逢順境多添記趣，
每段人生的路途上，都有喜樂傷悲。
前路縱使崎嶇，憑著耐心君休撤退，
要在人生的路途上，爭取真善美。


07學生哥  3:29  
曲：Goldstein    词：許冠傑/黎彼得 　
  學生哥，好溫功課，咪淨係掛住踢波，
　最弊肥佬左無陰功咯，同學亦愛莫能助。
　（肥佬左無陰功咯，同學亦愛莫能助）

　學生哥，咪書咯，咪日夜掛住拍拖，
　顧住十幾科，科科喎，面懵懵一肚火。
　（十幾科，科科喎，面懵懵一肚火）

  螞蟻亦要搵野食，唔做事確係無益，
　少壯就要多努力，來日望自食其力。

　學生哥，要思己過，唔係第日悔恨更多，
　人之初，應知錯，唔自立就會捱餓。
　（人之初，應知錯，唔自立就會捱餓）

　學生哥，一個個，我地日日記住隻歌，
　人多多，RE ME RE DO 齊合力喝伴同和。
　（人多多，RE ME RE DO 齊合力喝伴同和）


08杯酒當歌  2:49  
曲：許冠傑    词：許冠傑/黎彼得 　
  我時常清風兩袖，吊兒郎當最自由，
　但得有三餐足夠，為人樂觀好少掛憂，
　咪彈人貪新厭舊，愛情如海市蜃樓，
　問天賜幾許佳偶，離合悲歡定必有。

　飲番杯冰凍啤酒，高歌一曲氣量厚，
　無謂再去為情悔疚，你盞心罨心個嬲，
　我懷疑天邊宇宙，有神靈管轄地球，
　實應要睇通睇透，成敗得失莫追究。

　大家要睇通睇透，成敗得失莫追究。

09拜拜  3:56  
曲：許冠傑    词：許冠傑/黎彼得  
大眾又起舞，共暢聚相擁抱，
手拍手亂撞，週身汗似爐，
大眾互傾訴，盡去心苦惱，
功夫要幾套，風梗襟老，
點知道，一口泡街坊又識警告。  
拜拜，又鐘播快，拜拜，望有帶，
拜拜，下次再玩週痛快，斟世界，  
拜拜，又要走快，拜拜，實在點捨得猛，
拜拜，第至玩過痛快，今晚係先拜拜。  
大眼共泡，話肚餓想醫肚，走去深水，整番炸大，
仲要燉豬，釀蟹蚶多醋，鬼殺亂記布點知道，
都班「冷」話要閂。


10相思萬千重  3:02  
曲：許冠傑    词：許冠傑/黎彼得
　聚也匆，分也匆，匆匆仿似夢，
　痴心空枉種，相思萬千重。

　夢暗通，心暗通，追憶相與共，
　秋波輕輕送，款曲付彩虹。

　淚眼漸覺迷濛，月明又掛空，
　過去待我刻意侍奉，以往共妳恩深義重，
  那日再得喜相逢。  是已空，非已空，不堪憶故夢，
  今宵空悲痛，相思萬千重。


11飲勝  2:42  
曲：許冠傑    词：許冠傑/黎彼得  
飲勝，飲勝，大家飲杯勁，將所有事當係零，個腦就平靜，
飲勝，飲勝，就冇心火盛，公司既事要暫停，興到就盡情。  
整多兩 PEG 加塊冰，模杯底論事情，  講女人，傾馬經，開心Ｄ飲杯勝。   
飲勝，飲勝，大嗌急口令，亂講話最忘形，有錯亦唔認，
飲勝，飲勝，大跳扭扭擰，七分醉扮有二成，認真高鬼興。

飲勝，飲勝，亂咁通街 FING ，灣仔當係秀茂坪，我腳步唔定，  
飲勝，飲勝，仲有些少剩，累響馬路當露營，車瓜都飲勝，
飲勝，飲勝，就冇心火盛，拋開怨恨唱莫停，世界就和平。


12父母恩  3:32  
曲：許冠傑    词：許冠傑/黎彼得  
　在世間飄泊，孤身彷似浮雲，心底裡每思親添百感，
　父母恩千丈，一生把我護蔭，有若明燈驅黑暗。

　念往昔恩義，好比天際慈雲，開解我赤子之心，
　為我脫厄運，枕邊解我病困，更望神恩多指引。

   父母恩，勝萬金，春暉寸草心，推衾送暖，舐犢情深，
　盡孝守本份，此生遵照父訓，掛念慈親悲不禁

1979 79夏日之歌集  
寶麗金 POLYDOR 513 975-2


01十個女仔  3:10  
曲：許冠傑    词：許冠傑/黎彼得  
十個女仔九個認細，明明係老佢話唔係，
三張幾野紮起辮仔，青春美麗就冇失禮。  
十個女仔九個浪費，時時換季已係成例，
身光頸襯靚襯起好睇，錢亂 fing 為顧身世。

十個女仔九個實際，人人恨嫁富裕門第，
小妹選婿要講家底，屈居妾侍亦冇乜計。

十個女仔九個話咪，明明係制猛話唔係，
想討好佢老鼠拉龜，一味作狀扮哂矜貴。

十個女仔九個玉砌，情懷善變確係文藝，
郁Ｄ都會發起郎黎，一出眼淚就要安慰。

望女仔續個睇眼厲厲（眼厲厲），燕瘦環肥大細樣樣齊（樣樣齊），
男仕實在要感激上帝（Hallelujah），皆因女仔使你意亂情迷。


02那裡是吾家  2:50   
词：許冠傑 曲：許冠傑/黎彼得
足跡遍天下，看透異國繁華，
桃源仙境似夢也，始終找不到吾家。  
安居似虛話，遠處密罩雲霞，
何時一朝見霧化，子孫歡笑艷陽下。

　啊！萬千燈火透廣廈，
啊！那裏是吾家。


03一生中幾許歡笑  2:30  
曲：許冠傑    词：許冠傑/黎彼得  
人人唔駛介紹，齊齊狂歡慰寂寥，
圍埋齊大跳，圍埋齊大叫，拋開顧慮你咪心焦。  
彈彈情歌愛調，談談鋤Ｄ既油脂熱潮，
圍埋齊大跳，圍埋齊大叫，一於開心Ｄ講下笑。

明月與星星光永照，陪伴你分享歡與笑，
但願各位不再眼淚掉，輕輕鬆鬆珍惜分與秒，
明瞭人生奧妙，朋情永不會動搖。

年齡唔重要，錢財唔重要，一生中幾許歡。


04鍚晒你  2:30  
曲：許冠傑    词：許冠傑/黎彼得  
　錫晒妳，妳乖乖地我實行錫晒妳，
　倆家都拖到實隻手指尾，上去天棚放飛機。

　Honey 錫晒妳，駛乜講我直頭錫晒妳，
　我係屋企帶定個影相機，替妳羅景訓響地。

　照顧妳，因住冷親即刻山多張被，
　買野質俾妳食，郁Ｄ慌死妳餓過飢。

　一於錫晒妳，妳乖乖地我實行錫晒妳，
　妳想搬乜我做妳妳咕哩，冷氣機都托得起。

　Honey 錫晒妳，駛乜講我直頭錫哂妳，
　我洗衫洗褲又會整幾味，跟Ｄ飛仔冇得比。
　(錫晒妳，一於錫妳，冤鬼錫晒妳)

　一於錫晒妳，妳乖乖地我實行錫晒妳，
　妳想出街我做妳好司機，送野疏爽冇慳皮。

05春夢  3:00  
曲：許冠傑    词：許冠傑/黎彼得  
　多少話，皆春夢，
　情路片刻欣逢，相思暗種，
　桃紅笑春風，綿綿情意重，
　於今隻影空對煙雨濛濛。

　多少恨，皆春夢，
　回味往昔痴纏，深恩錯送，
　情緣兩皆空，良辰難再共，
　痴痴對窗忽覺秋意漸濃。

　黃葉眼前飄飄露珠掛簾攏，
　徒令滿懷悽愴往事成幻夢，
　逝似一江春水漸漸東去，
　故地懷舊暗悲慟。

　多少淚，皆春夢，
　寒夜滿天星辰點點惹恨痛，
　梧桐怨秋風，無從見芳蹤，
　追憶美景春去鬱結重重。

06知心友  3:04  
曲：許冠傑    词：許冠傑/黎彼得 　  
共並肩看夕陽光輝千縷，遙望晚霞足以開解困憂，
恨與哀怨共仇不必追求，今天喜得一個知心友。

面對波折重重君休苦透，同渡困難應要甘苦永守，
若有衝突問題不須爭鬥，分析解決自然化恨仇。

我共您此心永互扣，好比音韻二重奏，
我共您不分老或幼，朋情柔柔共永久。  
讓美景永長留花開錦繡，長互勉享歡笑乾杯美酒，
踏遍天下難求知心友，得到一個做人復何求。

07加價熱潮  2:04  
曲：De Knight-Freedman    词：許冠傑/黎彼得  
你怕！我怕！個個怕！
煙加！酒加！屋租加！
巴士加！的士加！多士芝士乜都加！
加！加！加！加！加！  糖又加！鹽又加！
成日咁加任佢話！其實無他！
你住人屋宇下，佢梗收買路錢挪兩渣，
買佢怕！買佢怕！要加就加！總之慣啦！

牛油又加！蠔油又加！
燃油又話每「卡」七個六，其實無他，  
佢石油多到極，可惜真金白銀貶晒值，
冇法啦！冇法啦！佢加就加！都由佢啦！

紅荳沙！茶葉渣！
全部要加慘到極，陀累全家，
靠份糧點夠食，卒之查到鼓油都冇滴，  
夠啦卦！夠啦卦！咪枕住加，喂！好啦卦！

時時話加！年年話加！
無盡咁加趕到絕，求助哪吒，
我望能生對翼，即刻飛上月球再搵過食，  
就冇有怕！冇有怕！佢加就加！拜拜啦！
（加加加……） （怕怕怕……）
人人話加！頻頻話加！
成日咁加任佢話，其實無他，
我做人多說話，係Ｄ加價熱潮風氣下，
八下卦！八下卦！發起爛渣，谷鬼氣嘛！


08何日再相逢  2:50  
曲：許冠傑    词：許冠傑/黎彼得  
何日再相逢，暢聚惜匆匆，冉冉烏雲，蓋掩月朦朧，
臨別意千重，往事刻心中，遠隔天涯，悲戚難自控。

弧鴻各飛盼自重，那復計西東，
點點指爪不堪記，良朋惜別痛。

明日見飄蓬，舞動秋風中，盼望你，心底裡，訊息能互送。

何日再相逢，有淚心間湧，片片衷情，寄交潮浪送。

09忍  2:51  
曲：許冠傑    词：許冠傑/黎彼得
成日咁 mung，一陣你就呻笨，成日咁 mung，乜鬼都挪挪震，
郁的火遮眼，我祝你好運，白痴都有份，無謂去撼，駛乜 mung 刀挪棍，
無謂去撼，應該接受命運，睇開的啦喂，咪嬲到失魂。  
一於要忍，幾大都要死忍，唔順氣就會抽筋發 tee tun (身子要緊)，  
必須要忍，把幾火會燒心，唔係你就有花圈送定殯(天國就近 果處就近)。  
無謂咁汞，你要愛護敵人，無謂咁汞，拋開你既怨恨，
因乜呱呱叫，去抖下啦笨，係驚都兩份，凡事放心 今晚好早的訓，
凡事放心，聽朝你會轉運，諸君應該有阿Ｑ既精神。

10腐朽化神奇  3:20  
曲：許冠傑    词：許冠傑/黎彼得  
　點解冇心機，成日自己谷氣，
　郁下就要死，話冇存在趣味，
　猛鬧唔合理，成日"WUN"晌屋企，
　充滿自卑心理，冇晒癮鬼咁悲。 　
  駛乜冇心機，其實做左鄉里，
　不要自欺，就有存在趣味，
　切勿忘記，前路每多生機，
　祗要立心爭氣，你會向高處飛。

　人生難免多傷悲，何必呼天搶地，
　人生猶如做緊戲，NGo左TAKE TWOo黎過，就腐朽化神奇。


11催眠曲  3:10  
曲：許冠傑    词：許冠傑/黎彼得  
人浮在世好比滿天星，明亮或暗數不清，
流星耀眼光輝遍天空，轉瞬逝去無形。

菩蕾定有一朝見花開，明媚艷美等君採，
人生幻變不必記心中，歡笑定會復來。

所以你放心安睡，拋卻一切莫掛累，
輕抹去眼中的淚，此際盡忘掉顧慮。

12說一聲再見  3:10  
曲：許冠傑    词：許冠傑/黎彼得  
曾經天天相見，如今空對無言，甜蜜既詩篇，
一息間變遷，愛海裡輕舟，終於擱淺。

明知不應欺騙，何必一派胡言，無論昨天係點，
美夢難重現，祇好說一聲再見。

縱使心中悽酸，難求月缺復圓，毋用為我夢繫魂牽。

何須傷心嗟怨，情天轉眼夢斷，前事化輕煙，
過後莫懷念，匆匆說一聲再見。

1980 念奴娇
寶麗金 POLYDOR 513 977-2


01 尖沙咀Susie 3:03   
許冠傑 許冠傑/黎彼得
　有佢咁靚時冇佢咁夠盞，尖沙咀 Susie 點止咁簡單，
　樣貌與身材 Good fit 夾耀眼，想搵多個都幾難。

　佢吓吓要有型個性最好玩，出名鍊車王响青山鬥片彎，
　日日喫幾籠蝦餃當食晏，思想開放，好識嘆。

　尖沙咀 Susie 駛乜憂兩餐，佢老竇勤力慣，响街市賣鴨蛋，
　尖沙咀 Susie 屋企多靚衫，橙溝綠，米襯藍，套套惹火搶眼。

　佢碰見猛男對眼會猛咁眨，風騷兼銷魂乜都笑一餐，
　密密去 Disco 通宵到達旦，攬身攬勢都好閒。

　有佢咁野蠻冇佢咁夠膽，尖沙咀 Susie 死都坳番生，
　但望亞 Susie 光陰咪亂散，青春一去空悲嘆。

02 夜夜念奴嬌 3:20   
許冠傑 許冠傑/黎彼得
　夜夜念奴嬌，輕輕把名叫，
　心中一諗起，溫馨的歡笑，可解我寂寥。

　夜夜念奴嬌，即刻陰陰笑，
　心中一諗起，火般香吻妙，我會眼眉跳。

　無論時分秒，想起妳就發燒，
回味妳嘅笑也妙，喊也妙，我就煩悶也消。

　諗起初介紹，心中卜卜跳，
　與妳看月耀，開心不得了，韆鞦倆共搖。

　夜夜念奴嬌，痴得好緊要，
　相思知多少，初戀真美妙，愛意像狂潮。

03 搵嘢做 2:58   
許冠傑 許冠傑/黎彼得
從前有個人叫莫大毛　日日攤响屋企等米路，
神神化化作風虚無　又唔願剃鬚（從成日去賭），  
窮途意冷走去問前途　但願仙家指點三兩度，
如何有法變得富豪，望黃大仙能預告（呢枝簽話呢）。

拿拿聲即刻走去揾嘢做　人必須知道自己嘅用途，
唔去奮鬥人咪望有酬勞 想揾錢應該快手 COME ON LET'S GO，
「着着」聲即刻走去揾嘢做　人必須旨意自己創路途，
快去奮鬥 實會攀得高　你要坐 BENZ 靠自己個腦。

連隨悔覺好個莫大毛，立業興家終於走正路，
榮華富貴靠刻苦耐勞，漸漸年事已高（成就更高）。

同時見個仔亞莫二毛，日日攤响屋企等米路，
連隨秤佢起身搏命熬，話黃大仙曾預告。

04 這一曲送給您 3:27   
許冠傑 許冠傑/黎彼得
　如果君心裡，常覺有顧慮，前景感到崎嶇，
　人生有若遊戲，他朝總有轉機。

　如果君心碎，常暗自下淚，何必感歎唏噓，
　還希你莫嫌棄，這一曲送給您。

　我願能助您鬱結消除，結伴同尋新樂趣，
　我願憑樂韻解君寂寞，此曲望您惜取。

　如果君他去，惆悵未入睡，難堪枕冷空虛，
　還請您夢鄉僅記，這一曲送給您。

　請君您夢鄉僅記，這一曲送給您。

05 好景自己去尋 3:25  
許冠傑 許冠傑/黎彼得
想半生一知半解，事事百樣疑問，
想半生將假當真，事事錯後遺憾，
令我不禁撫心再問，是否曾埋沒狀志，
誓要開始醒覺做人，好景自己去尋。  
休嘆息冤屈半生，日日悔恨愚笨，
休嘆息光陰似水，日日暗自悔恨，
定要擺脫不羇放任，願我不會忘掉烙印，
立志虛心補拙用勤，好景自己去尋。

得與失，經分析必有因，因欠進取心，
小痛楚，勿再望憐憫，全力上，莫再等

06 夕陽 2:59   
David Gates 許冠傑/黎彼得
望見夕陽漫照葦草千千，又見稻田像那愛詩篇篇，
懷緬我倆從前，共你每天此刻相見，互訴心曲手倆牽 (未料到他朝講再見) 。
望見夕陽艷美帶起炊煙，又見落霞令我記起當天，
和你曠野流連，面對美景相相擁抱，話過真心不會變。

每次細看往昔一封封信件，苦苦追憶但覺悽怨片片，
每次細看往昔一張張照片，綿綿柔情又再逐漸浮現。

但見夕陽漸己消失天邊，令我茫然頓覺百感交煎，
惆悵以往情緣，就似眼底光輝轉變，逝去匆匆不再見。

07 先敬羅衣後敬人 2:30   
許冠傑 許冠傑/黎彼得
寧願少喫餐，時裝錢咪慳，就算水乾幾大要撐，
如果識著衫，泥鯭充正班，做嘢亨通包冇話難。  
人人無論富或貧，都要曉得裝吓身，
只要著得好款開聲屋都震，有冇現款冇人問，
皮鞋明亮冇滴塵，記住領呔花要新，君見否尖沙咀通街光棍，
皆因先敬羅衣後敬人。

寧願少喫餐，時裝錢咪慳，就算水乾幾大要撐，
名廠 PIERRE CARDIN 來路出產，任我點揀都冇話煩。

人人無論懶或勤，都要曉得裝吓身，
睇你衣冠不整差佬都蚊警棍，當你係賊要盤問，
注重洋服嘅流行，記住買樓皮要真，希爾頓摩囉差都講聲 WELCOME，
皆因先敬羅衣後敬人。

08 始終被愁困 3:36   
許冠傑 許冠傑/黎彼得
人每當出生，不曉富貧，成人後染俗氣，諸多競爭，
得到一朝得志，不會安份，總覺未能獲滿足始終被愁困。
環顧今婚姻，多少永恆，人容易厭舊侶，轉愛情人，
家庭一朝慘變，多怨多恨，飽暖望淫慾滿足始終被愁困。

是否必須被愁困，是否蒼天弄人，
人人是否甘於被愁困，抑或情不自禁。

人每多貪心，不惜背盟，時常互戰互鬥　失去靈魂，
得到一朝顯貴，天國將近，一世為無盡滿足始終被愁困。

09 發噏風 2:46   
許冠傑 許冠傑/黎彼得
時時為要面亂發噏風，明明係老鄉走去死充，谷到盡，慢吓手叨過龍。  
時時為要威亂發噏風，明明係冇料亂爆一通，保吓重，講多盞你肉痛。

時時咁囉唆，口多多口疏疏會有錯，講得多衰得多冇晒貨，人聽你就傻，
時時阿之阿左，噏得多好好哋會變喎，懶專科，口水多，冇放過，人睬你就傻。

人人為領功亂發噏風，求其亂咁車西變咗東，都吓重，亂咁逞英雄，
逢人係有料少發噏風，何妨讓你威擔正先鋒，一有事，走先梗聽射中。

10 每事問 2:52  
L.Reed/G.Stephens 許冠傑 Herman's Hermits-A kind of hush
　學嘢必須肯多啲去發問，問吓！古今遠近，
　無論數學或地理天文，唔信問吓人。

　若要攞高分，應該每事問，問吓！不懂好快問，
　唔問最笨，求合格好文。

　世界事物有千萬萬，科學日新兼月異怎去分，
　答案點樣去搵，你每事問會有好學問，
　經驗累積可辨別假與真，憑不斷去問人。

　莫要天天等，今天每事問，問吓！虛心啲去問，
　唔明白再問，人就更聰敏。啦…

11 傀儡 2:55   
許冠傑 許冠傑/黎彼得  
夜夜獻歌調，電結他手中舞弄隨樂韻搖，
台下滿觀眾紛紛拍手呼叫，五彩歌衫被銀燈照。  
為大眾閃耀，又唱出溫馨愛調隨樂韻搖，
忘掉了心中抑鬱仰首歡笑，您總不知是籠中鳥。

傀儡，求名利一世做工具，甘於置身虛幻夢全力去追
傀儡，求名利一世做工具，他朝跌倒可憐寄望誰。

但願你閃耀，願你歌聲飄遠地傳萬里遙，
能令世間知音者倍添歡笑，您的光耀像陽光照。

12 再會！香港！ 4:10   
許冠傑 許冠傑/黎彼得  
清晨孤身去他方，黯然含淚滿腔，
立心將理想達成，到彼邦，尋美夢，滿懷熱望。  
親朋祝福我安康，凄然無話再講，
立心開拓新未來，到彼邦，完志願，再會香港。

用勇氣，我不怕風浪，用幹勁，縱使難辛也闖，
用鬥志，憑著熱血信心，但求達到願望，放眼望遠方。

驕陽天邊吐金光，恍然離淚已乾，
靜觀天際白雲，蓋高山，難眺望，再會香港。

1981 摩登保镖   
寶麗金 POLYDOR 513 976-2


01 摩登保鑣  2:49   
曲：許冠傑    词：許冠傑/黎彼得  
香港Ｄ飛仔打劫好新潮，下下都出Ｄ怪招，
出親街金錶火鑽好招搖，最怕有咁岩得咁「蕎」，
你實在要請保鑣，諸君咪話無聊，
若係有左保鑣，你會冇晒騷擾。  
一枝公煲煙睇戲好「他條」，會有把刀仔插腰，
書院女青春可愛好嬌堯，平佢上車一於照標，
你 實在要請保鑣，諸君咪話無聊，
若係有左保鑣，你會冇晒騷擾。

古裝片都講Ｄ保鑣，四處押貨戰血染山腰，
替顧客消災，威名遠耀，
家陣Ｄ摩登保鑣，個個搏殺對更關照，
你要坐穩轎，請番個摩登保鑣。


02 印象  3:25
曲：許冠傑    词：許冠傑/黎彼得  
　誰令我當晚舉止失常，難自禁望君您能見諒，
　但覺萬分緊張，皆因跟您遇上，誰令我突然充滿幻想。

　誰令我音韻腦際飄揚，撩動我內心愛情醞釀，
　為我撥開憂傷，找得失去樂暢，誰令我彷似初戀再嘗。

　我心中蘊藏，愛意千百丈，
　怎許相依戀，永遠心相向，
　結伴上天際，似燕子飛翔，
　雙雙去編寫動聽樂章。

　誰令我朝晚苦苦思量，長在夢境永恆照亮，
　令我萬千猜想，分不清去向，留下了這個深刻印象。

03 扮嘢  2:41
曲：許冠傑    词：許冠傑/黎彼得  
我時時扮嘢，言談扮相妖冶嘢，逢人就嗲，行為十足小姐，
動作多扭擰，行路腰似蛇，雙眼又邪，帽又戴歪。

時時扮嘢，完全掂過碌蔗，頻頻換車，其實係指單車，
做廁所洗地 成日充少爺 人人窒我我照扮嘢。

我老竇查實姓謝，改左佢話姓小野，出街我仲夠 LAIR-HAIR，冇雨落成日帶遮，

時時扮嘢，冇料又好演嘢，求其亂車，俄文日分識寫，
重要懶醒目，凡時都要 FAIR 敦正大蛇，重招待記者。  
時時扮，何妨扮到 PAIR 逢人就賒，唔掂就搵姑姐，
話阿三叔病，尋日死阿爺，連隨踮晒我靠扮嘢。

04 笑下就算  3:41
曲：許冠傑    词：許冠傑/黎彼得  
笑下就算，無謂咁緊張笑下就算，人海滄桑多變遷，
誰會永遠獲如願，是非得失少不免，要順下自然。

笑下就算，毋用太憂心笑下就算，無須天天多牽掛，
雲會散去月重現，漫天風霜終轉暖，地球日日轉。

何必諸多淒酸，容我衷心相勸，塵世種種恩怨，
他朝也盡化煙，人生多麼短，誰顧得這麼遠，
時間匆匆咁轉，轉眼就完。

笑下就算，凡事要睇開笑下就算，如果衝出這個圈，
唔怕再會受迷亂，蝕抵多少都算，地球日日轉。

05 長春不老  2:46
曲：許冠傑    词：許冠傑/黎彼得  
要長春不老秋風一起就進補，要長春不老大閘蟹應該淨喫羔，
成日要燉翅食燕窩奶露，平時喫飯喫藥要依鐘數，
要長春不老心境咪暴躁。

要長春不老朝朝起身練跳高，要長春不老落雨打風亦要操，
晨運托住塊石 YANG 幾哩路，螳螂太極劍術要耍幾套，
要長春不老郁多最著數。

一出親街你要記住剃鬚，額角一見脫髮成日戴帽，
老友問年齡求其亂報，時時認細老。

要長春不老早起早抖就最好(身體會好)，要長春不老酒色煙賭話句 NO(幾大要NO)，
成日搏命去學最新舞步，平時假日記住著Ｄ花布，要長春不老通通要做到。

06 我的心仍屬於您  3:22
曲：許冠傑    词：許冠傑/黎彼得  
　共妳意見多分歧，事到予今不可再避，
　子女在遊戲，全未瞭解雙親痛悲。

　望妳對阿輝阿薇，倍加關心體恤佢地，
　使佢地明理，咪把DADDY在心記。

　情所鍾，妳未有相欺，何須多介懷是與非，
　緣已盡，一早已預備，無奈我不忍拾離妳。

　共妳此刻惜分離，各走一方分飛異地，
　輕挽著行李，甜蜜往昔偏偏記起。

　念八載枕邊恩情，說不出心中滋味，
　怎去淡忘妳，我的心仍屬於妳。

07 恭喜！恭喜！  2:56
曲：許冠傑    词：許冠傑/黎彼得  
恭喜！恭喜！春節笑微微，財神陪住你，時時大四喜，
恭喜！恭喜！福到你門楣，場場馬都勝利，週年有運氣。

恭喜！恭喜！考試冇話肥，兒童成大器，才華耀世紀，
恭喜！恭喜！雞靚鴨又肥，人人有本有利，聲名遍萬里。

多吉多利，年頭好景好到尾，添屋添地，文咸東街歸晒你，
(歡天喜地，燃油減番七個四)
恭祝街坊老友記，個個一切順順利，老李老四互助又和氣。

恭喜！恭喜！婚禮決定期，同諧連理，連隨就有喜，
恭喜！恭喜！夫婦冇別離，人人冇乜禁忌，精神夾健美。

08 人辦  3:22
曲：許冠傑    词：許冠傑/黎彼得  
佢為人無聊返工等放工，時時蛇王郁Ｄ詐胃痛，
隨時頭暈傷風腳話凍，放假俾佢即刻通街貢，
求人同情花款幾百種，時時同人 WEAR 水當贈送，
每次到佢出錢嗌肉痛，送嘢俾個 GIRL FRIEND 出手重。

佢成條搞風搞雨掘尾龍，隨時等炒擺慣大信封，
頻頻有意製造人內鬨，佢望人罷晒工，
同人蹧把聲響過喇叭筒，一打交「啜」聲屈尾十一嗌鬆，
走精便卸晒膊累埋大眾，專門搞搞貢。

佢時時同人打牌專搏懞，明明人求「卡窿」佢話碰，
詐詐諦諦偷睇四面哄，佢最鐘意週身郁郁貢，
平時逢人請飲梗肚空，同檯人人乾杯佢食送，
次次同人猜枚冇話中，到尾梗要打包幾斤重。

09 陽光  3:03
曲：許冠傑    词：許冠傑/黎彼得  
陽光，將失意化造熱望，明朗，會驅散心中驚慌，
陽光，使山明水秀氣又壯，溫暖滲入潮浪，明艷遍天空四方。

陽光，把一切變做願望，明朗，百花也充滿芬芳，
陽光，使枝頭小鳥唱近況，解我恨憂煩悶身心盡開朗。

熱與光天天都不忘，燃亮世間顆顆心房，能令世界進步人人健康，
熱與光分分不隱藏，長日發出金色光芒，常令您我快樂抑鬱也盡放。

10 甜蜜往事  3:19
曲：許冠傑    词：許冠傑/黎彼得  
獨回味甜蜜的往事，我共您綠野中散步，
綿綿情意，您輕執起一節樹枝，在松樹塗劃一「愛」字，
您仲會用個心括住，柔情無限，百般心思，使我會意。  
您話逢失意時，此心會為我醫，  我若然心變時，此心會話您知。

願留住甜蜜的往事，幻夢裏共您喜再遇，
綿綿情義，您輕執起一塊石子，在巖石塗劃一「愛」字，
您又試用個心括住，柔情無限，百般心思，體貼盡致。


11 歌曲解困憂  3:25
曲：A.Hammond/R.Cook    词：許冠傑/黎彼得  
樂韻此際輕奏，期望您願接受，願您跟我邊唱邊跳，空間充滿熱流，
愉快心裡輕透，疑慮放在腦後，莫計彼我相愛相勉，好個唱多首。

唱首歌解憂愁，能忘掉心中既自疚，
每感悔恨時候，借歌聲將那悲哀輕送走。

唱首歌解憂愁，麻煩事心中在沒有，每感厭倦時候，以歌曲解困憂，
大眾心意相扣，尋樂趣敘下舊，樂韻使您解去束縛，心中感到自由，
盡興一次點夠，還忘我的以後，又再多次歡對歡笑，好歌唱不休。

12 我問  2:47
曲：馮添枝    词：黃霑  
我問，點會從前咁天真，不追名利，不染紅塵，相信美夢可變真，
我問，點會從前咁可親，不知懷恨，不結仇人，相信個個係好人。

究竟誰使我改變，令我消失了本真，再沒有傻氣，再沒有純潔，
決定遺忘可愛的心，如何再變番好似同舊陣時，除盡俗氣俗韻。

b]1982 难忘你 纸船  
寶麗金 POLYDOR 513 978-2
[

01 難忘您  3:33
曲：許冠傑    词：許冠傑  
當天分手，是我怪錯了您，
一聲 Goodbye，然後各也不理，
離別後才知道，無論我怎樣也難忘您。

難忘您的姿態動靜，略帶憂鬱的一雙眼睛，
難忘記您的淺笑，像春天，像陽光照，
和那離別匆匆的背影。

每天把臂漫步，夜看星星一粒粒去數，
難忘記您的擁抱，在雨中狂然起舞，
和您常伴我心曲細訴。

難忘您對我那種體貼入微，
時時刻刻腦海中都僅記，
愈想忘掉您，愈難忘掉您，
我悔恨，我悔恨，我悔恨把您欺！

為何每天感到乏味？為何夜裡輾轉傷悲？
曾話過再也不想您，但到今天仍忘不了您，
其實我還是深深愛著您。

02 最佳拍檔  2:16
曲：許冠傑    词：許冠傑  
　你名叫「叮噹」，個樣似蜜糖，平易近人清新開朗，
　我名叫 KING KONG，個款似 JAMES BOND，最佳拍檔。

　咖啡你沖水，我加奶落糖，你洗衫我將Ｄ衫燙，
　我幫你搵錢，您幫我清倉，最佳拍檔。

　有乜野衝撞，您跟我不妨，拋開顧忌坐低講，
　你需要幫忙，我梗會幫忙，點樣辛苦都冇相干。

　您晌我身邊，我不再徬徨，兩家一對膽都壯，
　我一切擔當，您不會驚慌（您可以心安），最佳拍檔
　我地係最佳拍檔，永遠係最佳拍檔。

03 我像一片雲  3:32
曲：許冠傑    词：許冠傑  
　我像一片雲，隨風飄遠飄近，
　南北西東，留低腳印，不知傷了幾遍心。

　我像一片雲，誰知飄到妳身近，
　明知不應，留低愛印，無奈已經情難自禁。

　今天我倆是愛人，明天請不要多問，
　此刻便已是永恆，只要愛得夠深。

　我像一片雲，如今北風已吹近，
　留低首歌，和一個吻，期望有天重彈舊韻。

04 十全十美  3:39
曲：許冠傑    词：黎彼得  
我為尋伴侶諸多理想，盼望能如願以償，
佢要十全十美品性優良，端莊純品人內向。

要動人貌美肌膚似霜，愛重情濃義更長，
對我服從像隻小羔羊，有好好文學修養。

嘗盡野花百種幽香，仍然未得樂暢，
各地盡覓懷著希望，徒然夢一場。

我惘然頓覺不敢去想，再望能如願以償，
那有十全十美的姑娘，只好留在歌唱。

05 快樂  3:31
曲：許冠傑    词：許冠傑  
　快樂是陽光普照的清晨，
　快樂是流水美妙的音韻，
　快樂其實分分鐘把您等，
　只要您識得點去搵。

　快樂是尋找天際的星辰，
　快樂是回憶沙灘的足印，
　快樂其實邊一位都有份，
　不管您是富或貧。

　朋友愛，父母恩，
　每刻溫暖在我心，
　豁達滿足，仁愛施恩，
　快樂便常共您相親。

　快樂是離開都市的煙塵，
　快樂是回家往浴缸一浸，
　快樂是一首好歌嘴裡哼，
　一張晚報，一杯香檳。

　快樂是賢妻給我的精神，
　快樂是兒子親暱的一吻，
　快樂長陪我這一生，
　皆因我是快樂人。

06 迷途的小羔羊  3:20
曲：許冠傑    词：黎彼得  
迷途的小羔羊，彷徨不知方向，對遠景空迷惘，未會衡量，
如求跨過高牆，全憑本身修養，你要爭取上進，苦痛亦應嘗。

小羔羊，願你意志似驕陽，山崗上挑戰露冷風霜，
小羔羊，遇到挫折要堅強，應該像雛鳥學飛翔。

人如水那可量，提防荊棘魔障，你要分清邪正，慧眼明亮，
迷途的小羔羊，如能分清方向，你放心天涯去，終會願得償。

07 紙船  3:40
曲：許冠傑    词：許冠傑  
　路經海邊見隻小船，情人萬里心暗酸，
　異鄉的她腦海湧現，如何把相思串。

　拾起張紙摺隻小船，徐徐地放於水面，
　靜心閉目許個願，船兒匆匆飄遠。

　望船實踐我這個願，遙遙長路也不倦，
　直去到她身邊，只求跟她一見。

　若他終於見隻紙船，盤旋夢裡千百轉，
　望她珍惜當中意義，齊齊把相思串。

08 是您那一吻  3:46
曲：馮添枝    词：林敏驄
是您那一吻，令我心都震，還叫我心中喜不禁，
是您那顆真心，使我重企的穩，是您令我想抱得緊。

是您那一吻　令我心中激奮，還與我手相牽心相充，
令我珍惜今天，永遠在我身邊，是您在我心深印。

誰令我，此刻充滿種種懷念，
誰令我，突然痴痴乾笑一陣。

是您那一吻，令我心中興奮，情往我手中輕輕慘，
是您那種天真，使我沒有傷感，是在我心深印。

09 愛像黃昏  3:32
曲：許冠傑    词：黎彼得  
夕陽隨著我心寸寸地下沉，懷念到別了的妳添傷感，
舊情猶像眼底幻變的光陰，萬千崔燦匆匆帶走像黃昏。

白雲才合乍分片片在運行，浮現了逝去的愛多繽紛，
願能迷現變真舊愛可翻新，結他輕奏當天那首抒情樂韻。

懷緬海灘的擁吻，熱愛在無聲互印，同您每一刻都感到興奮，
時常令我拋開抑鬱痛苦，解去悶困。

熱情仍在我心每夜在夢魂，無奈我半點施予都不敢，
未能回復信心誤了好光陰，愛火彷似天變美景光明漸暗。

10 昨天  4:00
曲：許冠傑    词：許冠傑
昨天，每朵鮮花都一一為我展，沒有悲傷哭泣美景常見，凡事總會獲如願，
昨天，您的聲音都時刻在耳邊，伴一起雙雙並肩同勉，共你恩愛又纏綿。

昨天，每顆星星都彷似為我閃，但那光輝今天再難復見，甜蜜往事成片段，
到今天，您的聲音都不再在耳邊，逝去溫馨此刻巳難復見，曾下充諾難兌現。

昨天，我的膽色充足敢於冒險，但那心境今天變得柔軟，人亦感到極疲倦，
到今天，每首悲歌都一一為我選，但覺今非昔比嘆息人事變，令我感慨念從前。

11 知恥近乎勇  3:26
曲：許冠傑    词：黎彼得
雲海中多變多波動，人生的際遇也相同，
縱使今日兩手空，他朝可變做富翁，
毋追憶失去的好夢，何必講往日既英雄，
眼底草木正疏鬆，知恥近乎勇。

成功憑沉默耕種，有希望，人就學輕鬆，
心中能忘掉苦痛，趁機會，平步上高峰，靠自己操縱。

人本身總有他的用，唔應該去做應聲蟲，
縱使今日未見通，始終都會度到通，
雲海中多變多波動，人生的際遇也相同，
理想握在你手中，知恥近乎勇。

1983 新的开始


01 新的開始 4:32
許冠傑 許冠傑
我從前是大意，當得好本事，全沒見識都不知，
我然後漸會意，往昔許多不是，期望有新的開始。

曾經犯過的錯誤百千次，明白到做人確不易，那麼花心思，
如今是我改變後的心智，重面對未來每一事，
會有新的法子，尋求新的意思。

來！從頭讓我試，再寫新的一頁，齊踏上新的開始，
准我做多次，做多次，做多次，有新的開始。

來！憑著毅力意志，有新的啟示，愚昧閉塞可終止。

02 偷心的人 4:30
許冠傑 許冠傑
偷心的人，當心她這個偷心的人，明艷照人，
　無限美感令您心動難禁，夜裏困擾您夢魂。

怎麼可能捨得她這個偷心的人？，無奈眼神，
含淚滿腔令您產下憐憫，滿足她的心願凡事都答充，博取她的歡心，
為何時常令妳費神？，皆因她的一切假或真，動盡腦筋仍然不可分。

盡了所能，始終擺不掉偷心的人，情是醉人，
焚著你身是那火熱長吻，在那甜夢裏，甘願長被她軟禁，
她經已把你俘虜，偷走了您的心！。 03 時光倒流 4:01 許冠傑 許冠傑
但願時光可倒流，流倒當初相識你那段時候，
你回眸，傳暖流，時間像怎麼多都不夠。

但願時光可倒流，流倒當初喜歡你那段時候，
手牽手，心心相扣，喁喁細語跟你柔情萬縷。

流回往日甜夢裏，鮮花，歌舞共美酒，
幾許歡笑忘盡困憂，流回多少個深秋，
海飛處共泛舟，只想跟你情共永久。

但是時光不倒流，如何面對這一刻跟告別時候？
這段情來到盡頭，從前愛意此際巳難復有。

但是時光不倒流，延長下去只加深苦痛更是難受，
可否還我自由？饒恕我這個舊朋友？
轉身走，母再逗留，忘記我這個舊朋友！

04 氹氹轉 4:05
許冠傑 許冠傑
我哋大家坐船船，今晚個月靚又圓，排妥次序把名點點，揀啱個位坐好先，
我哋大家坐船船，響吓個鐘開始轉，場裏播著這一首歌，請聽我唱一遍。

氹氹轉，氹氹轉，氹氹轉，人生好比轉住個圈，
無窮斷，無窮斷，無窮斷，春去夏至朝起身夜睡眠，
（飽過又肚餓病過又復原）（分散又見面月缺又月圓）
氹氹轉，氹氹轉，氹氹轉，時間一分一秒仍在轉，
明明見在這裡，已經轉到邊，每一刻都有改變。

世事又好似船船，喺最尾又變在前，前嘅也定會落後面，不必眼光太淺，
我望大家似船船，不怕雨打更向著前，凡個夢也要實現，管它有多麼遠。

05 父親的鋼琴 3:52
周啟生 許冠傑
夜已深，回憶起當天九歲快樂誕辰，父親，時時都有許多方法逗我開心，
打開那度大門，是座漂亮鋼琴，他把我抱在懷，段話長留在我心。

「成為好歌星全靠毅力非關僥倖，今天起你要天天唱彈著琴，
憑歌曲令人快樂當作己任，以歌曲照亮著人生的悲哀與黑暗。」

夜更深，回憶起他因工作抱著病遠行，父親，遲遲都不忍通知我令我擔心，
當天放學回來，又正預備練琴，方知老父臨行，琴前留下錄音。
「成為好歌星全靠毅力非關僥倖，休傷悲你要天天唱彈著琴，
憑歌曲令人快樂當作己任，以歌曲照亮著人生的悲哀與黑暗。」

父親，如今我玩著這心愛舊鋼琴，父親，如果你可知一切定會開心，
今天我在樂壇，亦算是名人，可惜我並未能，盡報你大恩。

「成為好歌星全靠毅力非關僥倖，今天的我要天天唱彈著琴，
憑歌曲令人快樂當作己任，以歌曲跟知音者接近，
以歌曲開解抑鬱怨恨，以歌曲追憶親愛的父親。

06 木屋區 3:05
Scott Davis 許冠傑 Elvis-In the ghetto
滿天風雨，貧窮木屋區某一角裏，
家中有個蘇蝦仔剛剛已誕生，母親不興奮，
孩兒父親已棄妻遠去，家中已七口多了他怎會分？
學校教育那會有？那個去教他怎去做人？
怎可使他守己安？物慾滿是引誘，如何避免識錯了壞人？
即使天天也教訓，始終都擔心。

迅速光陰過，從前木屋區個蘇蝦仔，一轉眼已變大人他不聽母親，
唔願做窮人，群埋大裏那班賭鬼，一朝到晚四處胡混酒氣滿身，
到了有次老友教他去搓槍打銀行，警鐘一響，警察已到，
一息間槍戰發生。

母親像淚人，人群望向那破衣老婦，
手緊抱他的屍體它鮮血滿身，
這一刻出殯，同時木屋區某一角裏，家中有個蘇蝦仔他宣佈誕生。

07 洋紫荊 4:25
許冠傑 許冠傑
霓虹橙光，購物天堂，自由都市，百業繁旺，
捕魚小島，遍歷風浪，在地球一小角，卻負名望。  
在東方，有粒珍珠閃閃發光，
外地人都嚮往要看看，這獨特社會香港，
在香港，你我的家鄉香港，
艷麗洋紫荊到處盛放，滿眼盡是好風光。

為未來香港，抱著希望，共謀方法，使它永安，
路仍康莊，那有驚惶，望齊心一致，再破萬重浪。

在東方，有粒珍珠閃閃發光，為未來香港再努力幹，
不斷地發展使它更光，互相幫，困境風浪一起去擋，
讓洋紫荊永遠盛放，永遠是原狀，香港！  
願明天香港也是天堂，定能看得見一點曙光。

08 愉快的旅程 3:20
許冠傑 許冠傑
騎著馬正想要開始開始一個愉快的旅程，
邀請你陪伴我倆家去HAPPY-HAPPY一，欣賞那好風景，
期望即刻一口答應，讓我給你保證，途上我倆定高高興興，
休再猶豫未決看那紅日巳升，一息間己是黎明。

騎著馬我跟你GIG-GOK-GIG-GOK奔向愉快的旅程，
天空有群大鳥趁高興GWEE-GWAK-GWEE-GWAK歌唱，
一曲「愛的呼聲」，迎面那春風吹得勁，白馬施展本領，
齊越過莊麗高山峻嶺，一起去尋覓那桃源夢境，心中滿是豪情。

清溪水裏，可把一切苦惱盡情洗清，
幽谷深處，把採得野果也全部吃清。

良夜裏我跟海邊海邊一角著個火露營，
撐起隻琴和唱阿LAM阿小鳳小鳳隻，「星光的背影」，
明月那光輝可帶領，踏上荒山小徑，沿路有故事講給你聽，
偷偷看叢林夜鳥對對明亮眼睛，身邊飛舞是流螢。

期望永久也珍惜珍惜這次愉快的旅程，還望你會謹記清溪清溪水裏，
倆家一對倒影，如若有一天可再見，願你都會高興，
陪伴我再度攀山過嶺，此刻要辭別你，看那紅日己升，
我必須繼續行程，到處高歌愛共和平。

09 這雙手 3:06
許冠傑 林振強
錢沒有，洋樓沒有，沒有跟班跟我走，
窮是我，平凡是我，伴我渡日是我兩手。

這雙手雖滿佈舖泥土，粗粗欠清秀，
卻對你獻上我的所有，目前及以後。

求讓我，祈求讓我，讓我一生牽你手，
長路裏，悠長路裏，若你倦便搭我手。

這雙手不怕多勞苦，粗中帶點幼，
永遠會替你擋開風雨，逆來代你受。

蚊兒針你時，一手拍走，風兒吹時，
雙手溫暖你手，為你願抬床櫃挽手揪！
拿鞋拿襪遞雨褸！請接受！這一雙手！

10 眼前人 3:38
許冠傑 向雪懷
明知風雨快來臨，難抑心裏的恐懼，情緒為你起波動，你卻置若罔聞。

明知補救巳無能，還想一線的僥倖，惟怕若一表白，我會被情自困。

曾經不顧向前行，無人可改變我，你令我感覺到，身邊有你便放心。

如今這個眼前人，完全都不似你，更令我感覺到，真的對我巳分心。

難開可以怪誰人，何必刻意的追問，能做到我都遷就，挽救這度裂痕。

從今失去了平衡，留低一片的空白，難過是心中失落，怕眼淚難自禁 。

11 風中趕路人 3:20
許冠傑 林振強
披一身星塵，漆黑中起行，不管北風經已近，
看過你的信後，發覺你不快樂，信裏彷彿有淚印，
雖分手多年，都匆匆起行，越萬里路來伴你，
我愛你仍深，雖知身與心，你已交予別人。  
事實我在這一生，不懂愛別人，只懂為你生，
望著遠地星光，雖知不可得到你心，仍望你讓我，
托著你面替你抹乾眼角淚痕。
(扔為你著緊，這是對或無窮愚笨，都不打緊。)

披一身風塵，倦極亦繼續行，呼呼風聲急掃近，
似笑我多麼笨，與你已經分別，卻要關心你淚印，
風始終不明，風中痴心人，是沒法忘掉你，
我愛你仍深，不管身與心，你已交予別人。

12 我是幸運人 3:47
Ian Tyson 鄭國江 JudyCollins-Someday Soon
對鏡中影子笑著問，問何時行好運？它說好景不遠，含著笑愉快等，
那理想彷彿似在近，自信也不笨，願我能展開心中露志能。

對鏡中影子笑著問，問何時行好運？轉身輕輕一笑，成就似在我身，
那理想足跡已漸近，讓我再一問，問那時可衝霄展翅入白雲。

境界可一新，隱隱見遠景光輝紅日襯，
快樂似擁抱著我，會更加開心。

不必再痴痴等那幸運，那日來母需問，但求立志做人，成就要靠信心，
只須有信心不必怨命運，盡了我本份，若有恒始終可變幸運人。

不要痴痴等，雖知道幻想始終如夢印，
我願每天努力過，那怕多艱辛。

1983 最佳拍档大显神通
寶麗金 POLYDOR 839 270-2
[

01 跟佢做個 Friend 2:50   
許冠傑 許冠傑 [電影插曲]
跟佢做個FRIEND，驚都咪駛驚，我要執得好正，
靚衫反起領 UN UN 下，似足掌艇。  
跟佢做個FRIEND，把口要好聽，讚佢生得好靚，
對佢打雀咁眼，拋到手仔我就靈。

認真羅命，認真羅命，愈見得多佢佢愈正，
買隻戒指鑲番粒讚石，唔話佢聽，
認真羅命， 認真羅命，問我點解冇放大鏡，
唉！佢話嫌細夾阻佢 DENG。

跟佢做個FRIEND，FRIEND 過打 BAND，佢唱歌聲好靚，
我結他甩左柄，兩個跳舞認真搶鏡。

跟佢做個FRIEND，驚親兩份驚，有雨查緊遮柄，
咪個沙煲亂掟，知己可以做成。

認真羅命， 認真羅命，見得多佢佢愈正，
教佢查車搵戲黎做，除笨有精，
認真羅命， 認真羅命，望見Ｄ彎佢猛亂掟，
唉！我連隨嗌阿媽救命。

跟佢做個FRIEND，WALKMAN 兩份聽，去咖啡灣掌艇，
再轉車出粉嶺，兩個喫哂一打西餅。

02 這一種感覺 3:45   
許冠傑 許冠傑 [電影插曲]　
  這一種感覺問我怎麼去形容，竟不知不覺被它深深操縱，
　這一種感覺令人心急速的跳動，歡欣滿面如沐春風，
　這一種感覺令我消失了倦容，整天的工作亦覺得一身輕鬆，